Vá hvað ég er léleg að blogga þegar að ég er heima hjá mér. Það er bara svo mikið að gera hjá manni alltaf. Sérstaklega notla núna, brjálað að gera að versla inn fyrir jólin og gera fínt og svona.

Fór til dæmis í Bónus á Egilsstöðum í dag með pabba. Vorum þar í örugglega 3 klukkutíma eða eitthvað. Ég er viss um að allir á Austurlandi hafa hugsað það sama og við...best að fara í Bónus í dag, og slepppa við alla trafíkina á morgun, Þorláksmessu.!... Vá hvað það var mest troðið! Varla hægt að fá bílastæði og svo var maður í svona innkaupakeru klessu bíla leik við alla í búðini. Rosa gaman :) Og það hjálpaði pottþétt ekki til að við vorum með TVÆR troðfullar innkaupakerrur. ( Já við erum úr sveitinni, og förum bara í Bónus einu sinni í viku :))

Svo er Mamma greyið veik, þannig að hún komst ekki með í okkar árlega verslunarleiðangur til Egs fyrir jólin. En hún er komin á alveg fullt af lyfjum þannig að vonandi að hún fari að jafna sig fljótlega greyið.

Gummi minn er búin að vera hjá mér alltaf á hverjum degi síðan við komum heim á klakan. Erum búin að vera til skiptis heima hjá mér og honum. En núna er hann farin heim og ég er bara hérna á Esk. Á svo eftir að sakna hans mest, yfir jólin alveg þannað til ég sé hann á annan í Jólum. En maður hlýtur nú að lifa þetta af :)

Jæja best að fara að leggjast niður og jafna sig eftir þessa löngu Egilsstaða ferð.

Love, Love , Love...

 

Jæja þá er maður loksins komin aftur í sveitasæluna. Alveg æðislegt að vera komin heim. Ekki búin að gera annað en spila Trival síðan við komum heim. Fékk það nebbla í afmælisgjöf. Mér finnst svo gaman að spila :)

Það er allt orðið ekkert smá jólalegt hérna heima á Esk. Ljós út um allt. Við pabbi fórum svo í gær og keyptum fleirir jólaljós. Geðveikt!

Gummi minn er byrjaður að vinna. Fékk vinnu í álverinu, verður samt að vinna bara í 3 daga núna fyrir jól og svo i 3 vikur eftir áramót. Ég er hinsvegar bara heimavinnandi húsmóðir meðan að allir hinir eru í vinnuni :) Gera fínt fyrir jólin og svona.

Love, love love

Það var bara voða skemmtilegt í afmælispartýinu mínu á föstudagin. Skemmti mér ekkert smá vel. Fékk Rósu og Einar í heimsókn og svo voru notla Sunneva og Kalli líka.

Við borðuðum alveg rosalega góðan mat, grænmetis lasagne og kjúlla lasagne og eitthvað voða gott meðlæti. Var voða ánægð hvað þetta heppnaðis vel :)

Við horfðum svo á úrslitin í sænska Idolinu og það fór reyndar ekki eins vel og við vonuðum, en það þýðir ekkert að gráta það.

Svo fóru við í SingStar. Það var geggjað gaman!! Fékk nebbla SingStar 80´s í afmælisgjöf þannig að það var þvílíkur 80´s fílingur í gangi:)

Svo var bara mikið drukkið og mikið sungið og mikið fjör. Fórum ekkert út, vorum bara heima, voða notalegt.

Svo er ég víst nú barasta á leiðinni heim núna á föstudagin. Þannig núna tekur bara við vika að pakka og þvo þvott og svona. Gummi er nánast búin með allt, þannig að þetta verður bara voðalega róleg vika hjá okkur.

Þá er ég víst orðin árinu eldri. Gömul konan. 24!!

Vildi að þið væruð hérna hjá mér svo ég gæti gefið ykkur köku :)

Afmælisbarnið

Ég fór að borga reikninga í gær, sem...again...er svo sem ekki frásögufærandi. Nema að til þess að geta borgað þessa tvo reikninga, sem voru samtals 1600 íslenskar krónur, þurfti ég að borga 800 kr. Ég þurfti að BORGA 800 kr. til þess að geta borgað reikningin!!! Halló!! Hvað er í gangi? Allt í lagi að taka smá gjald en 800 kr!!!

Það sem ég legg ekki á mig stundum...

Ég fór í dag með strætó í 42 mínutur til þess að fara í 'bestu matvöruverslun ever'. Ég meina, það er ekki eins og maturinn þar sé eitthvað betri eða þjónustan betri...eða jú víst þjónustan er betri! Og það er til óendanlega mikið úrval af öllu. Það eru til 32 gerðir af brauði! Allavega ég fór alla leið þanngað til þess að geta keypt svona alvöru íslensk...eða spænsk rauð epli. Vá hvað maður lærir að meta rauð epli ef þá fást ekki í búðini á horninu, eða þessari sem tekur 8 mínutur að fara í með strætó.

Allavega, ég get þó með sanni sagt að það sé jólalegt hjá okkur, rauð epli, sem við fáum næstum því aldrei og mandarínur í ávaxtaskálinni okkar. Ummmummmm!!!

Það er allt á kafi í snjó úti. Og það snjóar enn. Það er svo fallegt veður úti. Alveg stillt. Logn. Svona fallegur jólasnór á trjánum. Mest jólalegt.

Ég lifði af þvottadagin í gær. Tók ekki nema 4 klukkutíma, það er nú alls ekki svo slæmt. Svo er líka alltaf svo gaman að sjá hvað hann Gummi minn er ánægður og þakklátur þegar að hann kemur heim og sér að ég hef stritað allan dagin við að þvo þvottinn. Hann er svo sætur í sér hann Gummi minn :)

Í dag er þvottadagur. Alltaf skemmtilegasti dagur vikunar, verð nú bara að segja.

Fyrst verð ég að...annaðhvort vakan GEÐVEIKT snemmma, klukkan 6 eða eitthvað, til þess að hlaupa niður í þvottahús og ná þvottavélum. (Það er sko sameiginlegt þvottahús fyrir alla blokkina, og það eru 8 þvottavélar og ekki nema 600 íbúar....þannig að you do the MATH hvað það er auðvelt að ná þvottavélum). Eða ég á líka annan möguleika, sleppa því að vakna alltof snemma og leave it up to faith. Sem sagt bara fara niður í þvottahús um miðjan dagin og vonast til þess að það sé allavega ein vél laus....

Needless to say, þá er mjög misjafn hvernig ástandið er þarna niðri. Stundum eru svoleiðis biðraðirnar, fólk stendur þarna liggur við með morgunverð, hádegis og kvöldverðin í nesti bara til að geta fengið að þvo nokkur handklæði. :)

En ég held nú samt að ég sé oftast frekar heppin. Reyndar var ég einu sinni mætt voða snemma klukkan hálf átta, þvottahúsið opnar ekki fyrr en áttta. Og viti menn, það var svoleiðis fullt þvottahúsið af fólki!! Bara þvílíkt party! Þannig að ég þurfti bara gjöra svo vel að fara aftur upp í íbúð með skottið á milli lappana.

En þetta þvottahúsa vesen er nú samt bara helmingurinn af vandamálinu. Hinn helmingurinn eru 20 kílóin af þvotti sem ég þarf að burðast með niður allar þessar 4 hæðir!!! Og það versa er þegar maður er orðin aðframkoma af þreytu, loksins komin niður í þetta helv...þvottahús....og það er ALLT fullt!!! :)

En annar reyni ég nú bara vera mjög jákvæð og tek þessu öllu með jafnaðargeði. Voða hamingjusöm yfir því að fá að þvo þvott með félagskap og allt. Því miður þá eru flestir samleigendur okkar hérna í blokkinni annað hvort Kínverjar eða Arabar, þannigð að það getur reynst erfittt að tala saman...en þetta reddast allt saman eitthvern vegin. :)

Jæja best að fara að taka úr vél og setja í þurkara. Ég var mjög heppin í dag, gat sett í 5 vélar í einu!!! Geðveikt, gerir dagin bara svona 300 sinnum betri heldur en hann hefði annars verið :)

Lína Þvottabuska

Jæja þa er eg buin að fara a djammið tvær helgar i röð. For sem sagt aftur ut i gærkveldi. Eg verd nu ad segja ad maður hlytur bara að vera orðin svona rosalega gaman þvi þetta er pinu þreytandi að fara svona mikið a djammið. Eg meina tvær helgar i röð, þetta hefur nu ekki gerst i langan, langan tima. Eg var buin ad akveda ad fara a djammid a afmælinu minu, sem er næstu helgi. En eg held að i staðin verði ´´eg bara roleg heima. :)

Þetta var samt alveg voðalega gaman. For i tvitugs afmæli hja henni Rosu. Það voru ekkert nema islendingar þarna, alveg fullt, eg held við höfum verið eitthvað rumlega 30. Guðmundur kannaðist við eitthverja ur Haskolanum, eg kannaðist ekki við neinn. En maður var ekki lengi að kynnast folki. Enda var bolla þarna(og við vitum nu oll að það getur verið frekar hættulegt!) þannig að allir vel i glasi. Lika bara gaman að kynnast aðeins fleira folki herna i Sviþjoðinni.

Hann Gummi minn er pinu veikur i dag greyið. Sma hundasjukur. Liggur herna við hliðina a  mer i sofanum og þorir ekki að standa upp, þvi hann er svo hræddur um að hann æli! :) Greyið! Er mjög fegin að eg skuli ekki vera svona. En það er nu samt gott að eg skuli vera hress, þvi það verður nu eitthver að vera hjukkan fyrir dagin. Gaman að geta stjanað svona við hann kallinn minn þegar hann er svona veikur.

Kommu takkinn er eitthvað bilaður, þess vegna er hvergi komma yfir neinu hja mer i dag. Kann ekki að laga hann, og verður bara að biða betri tima að fa Gumma til að lita a hann. :)

Þannigð að ætli maður verði bara ekki mjög rolegur i dag. Er að hugsa um að fara ut i bud og kaupa eitthvad voða gott að borða. Ummm..... :)

Það snjóaði hérna í Stokkhólmi í vikunni. Reyndar ekkert voðalega mikið, bara svona rétt nóg til þessa að maður komst í ennþá meiri jólafíling. Ég get svo svarið það, ég held barasta að ég sé að drukkna í jólafíling þessa dagana. Alltaf með kveikt á rauðu jólakertunum og svona. Æðislega gaman!! Get líka ekki beðið eftir því að koma heim í ennþá meiri jól :)

Það er kannski ekki mikil sjnór, en það er sko mikið meira en nóg af kuldanum. Ég er svo dúðuð þegar að ég fer út úr húsi að ég get varla hreyft mig, alveg eins og Snæfinnur Snjókarl. Ég segi nú bara Thank God fyrir lopapeysuna sem að Dóra frænka prjónaði á mig fyrr i haust, án hennar væri ég sennilega króknuð! :)

Ég bjó til Kókosbollur í dag. Geggjað stolt af sjálfri mér. Var reyndar, held ég, auðveldasta uppskrift sem ég hef nokkurn tíma farið eftir, en hvað með það...ég bakaði!! :) Þetta er reyndar svona nammi namm sem að maður getur bara fengið sér eina og svo ekki meir. Sem í sjálfu sér er ekki svo slæmt, það er þá allavega lítil sem engin hætta á að maður missi sig í öllum kókosnum :)

Kristjana systir hans Gumma er enn á ný komin aftur til Stokkhólms! Hún er alltaf hérna :) Geggjað gaman að fá hana alltaf í heimsókn. Því miður er hún ekki hjá okkur, heldur á eitthverju voða fínu hóteli niður í bæ, en við fáum þó allavega að sjá hana og svona. Og ég ætla að fara niður í miðbæ á morgun að versla með henni! Hlakkar ekkert smá til :) Geggjað gaman að hafa eitthvern til að fara að versla með. Líka sérstaklega gaman, því maður sér Kristjönu svo sjaldan :)

Ég fór í HM leiðangur í dag og í gær. Í gær fór ég til þess að versla pínu af fötum á littla krílið hennar Sigríðar, sem er reyndar ekki alveg komið í heimin ennþá, en þetta er að styttast og styttast. Ekki nema 2 mánuðir eftir!! Geggjað! :)
Svo í dag fór ég til þess að finna eitthvað voða gellulegt á hana Þórey mína. Hún alveg að farast úr fataleysi greyið þarna heima á Esk. :) Hun verður pottþétt algjer gella heima um jólin.

Jæja, þá er best að fara að gera sig fínan, eða eitthvað. Ég er nebbla að fara í bíó með genginu. Erum að fara á Harry Potter! Geðveikt gaman mar :)

Kveðja
Lina


Já mér er svona Kalt!! Þarna er ég í Danmörk að fara að sofa í fínu lopapeysuni sem að Dóra frænka prjónaði á mig. Er ég ekki fín? :) Ég elska þessa peysu, hún er best!

Jæja, þá er runnið af manni og maður komin aftur heim. Alltaf gott að komast heim aftur þegar að maður er búin að vera á svona ferðalagi.